La Tarrancha ta acabante de grabar el so primer discu de llarga duración El discu (Algamar Producciones) grabáu en Tutu Estudiu por Sergio Rodriguez ta entituláu Ö-3-3 (Otres tres) y nagua por salir a la cai a principios del mes d’avientu Pero mentantu podeis escuchar dos temes d’adelantu nel so myspace  http://www.myspace.com/latarrancha.

Va ser un discu eclepticu onde la banda muesa el so peculiar y personal estilu en doce temes de lo mas bariáo. Pero eso queda pa mas alantre agora de momento quedamos la espera con estos tres temes.

El porque de Ö-3-3

Va ya unos cuantos años… n’algún requexu perdiu de Euskal Herria… ente los borrosos años 94 y 96, un fururu integrante de La Tarrancha pegaba blincos nun conciertu. Al acabar l’actuación tola xente glayaba “beste bat!!, beste bat!!!, beste bat!!!” glayiu qu’afalagaba al grupu a tocar una más, y que si lu ponemos tal como se recita ye: bes-te bat! bes-te bat!. Usando el mesmu ritmu y a la par, empecipió a sintise en tonu de chancia y cachondeo una frase que nun yera n’euskera, non. Yera un xuegu de palabres que los vascos nun pillaben, yera la primer vez que nun conciertu se dicia “o tres tres!! otres tres!!!” O lo que ye lo mesmo Otres tres!!! (o les que cuadren). Col pasu del tiempu eso convirtiose nun chiste pribau, un glayiu de cuatro alloriaos que diben de nuechi celta en nuechi celta y de conciertu cañeru en conciertu cañeru. Lo memso que lo de “soltai a Barrabas!!” (de la Biblia) o’l mas llográu “soltai a Roderik!! (de los Monty Piton), la frase de marres foi pegandose nos garguelos de la xente. Hasta’l dia de güei, onde’l gritu de guerra gláyase tanto nun conciertu de Dixebra, como n’un de la Pantoja, lo memso n’Asturies como nos paises vecinos.

Ö-3-3, pretende ser eso, un toque d’humor y un recuerdu de tolos conciertos onde quedemos cortos por nun tocar mas. Ye un convite a la música en vivo, ye un convite a los que disfrutamos pengando brincos nos conciertos y ye un convite a qu’esti discu sepiavos a poco y mos pidais…. Ö-3-3!!! Ö-3-3!!! Ö-3-3!!! Ö-3-3!!!!

Comments

La Tarrancha, conciertu y discu.

La banda asturiana de Ska-fusión La Tarrancha va dar el so postrer conciertu esti sábado 10 d’ochobre xusto enantes d’entrar a grabar lo que va ser el so primer discu de llarga duración.

La oportunidá pa gociar del so directu va ser esti sábado día 10 en “Les feries” de L.lena, onde van compartir escenariu con Los Berrones. Esta va ser la ultima oportunidá pa velos a unos díes de qu’entren en TuTu Estudidiu a grabar el discu qu’agora mesmo tan cocinando nel llar d’ensayu. El discu, asoleyau por Algamar Producciones, va tener por nome “Ó-3-3” (Otrestres) conocida frase coreada pol publico nos conciertos pa pidir mas canciones a los músicos. Siguen con esti nome cliptográficu el xuegu qu’empecipiaran va tiempu col so single “Exit-encia” y la so maqueta “Qlt” (Culete). Nel discu vamos poder disfrutar del mecigayu de sonios que van dir dende los sones del funk, el swing, o’l ragga, a tintes folk, tradicional o pachanga, siempre embaxo la clara llinia del Ska y el Reggae que caracteriza el so personal estilu. Esi estilu ta marcau pola llimpieza nel soniu, pol afalagu al baille, pola bona mezcla de ritmu y melodia y pola busqueda de complicidá col públicu. La banda, que durante munchu tiempu furruló con doce y trece músicos, anque agora ye un grupu d’ocho miembros nel que conviven guitarres, baxu, percusiones llatines y africanes, batería, curdión diatónica, trombón, flautes y voz.

La Tarrancha nun tubo nunca fácil la so xera, y a lo llargo d’estos 7 años d’esistencia tubo los sos problemes debío al gran númberu de músicos que yeren y la dificultá de mantenelos establemente nel tiempu, siendo la mayor causa d’éllo la emigración llaboral por gran parte de los sos miembros. Poro, ta claro qu’esto ye un enantes y un dempues, esti discu ye una forma de pagar una delda col so públicu y con éllos mesmos, ye una apueste pa dir p’alantre y dexar una etapa de dires y venires pa intentar estabilizar el grupu y dir trabayando ca vez mas nun soniu propiu. Nel conciertu d’esti sabado vamos poder disfrutar de temes vieyos y conocios de la banda, otros mas nuevos que vienen mostrando nes actuaciones d’esti branu y dalgún qu’otru estrenu.

Comments

vemonos en Banuncias!!

salú!

Comments

La Selmana Negra d’aquel branu xixones trayía como tolos años lliteratura, música y tamien consumu, munchu consumu; y a la par non mui lloñe d’elli, xente activo y contestatario facia la so selmana de desescobru particular na antigua fábrica de colchones de Flex, en plenu barriu de La Calzada.

 L’antigua fabrica de colchones nun tardó en garrar forma y garró el verdaderu sintíu d’aquel llema comercial y pasó a ser una FABRICA DE SUAÑOS, pero esta vez de verdá. Xente mozo, menos mozo, con esperiencia, ensin ello, xente d’estremaes ideoloxíes pero con un obxetivu común: dotar al barriu y a Xixón d’un espaciu llibre, autoxestionáu, onde poder desarrollar distintes actividaes socioculturales y polítiques. Nacía así el Centru Social Ocupau y Asutoxestionau La ReFLEXón.  

  A lo llargo de casi un añu d’esistencia nel centru social fixéronse munches actividaes, sirvió d’infrastuctura pa entamar actos d’estremaos colectivos qu’hasta esi momentu nun teníen munches alternatives pa desendolcalos.  Hebo talleres d’alfabetización castellano pa inmigrantes, talleres de percusión africana, ciclos de cine y documentales (CINEFLEX)… Habia un “tienda” de ropa gratis, celebráronse comedores populares, amagüestos… Hebo una bona riestra de charres y alderiques que falaben de la situación d’otros pueblos del mundu, de la represión, de problemes medioambientales, de soberanía alimentaria, de dellos aspectos del sistema capitalista,  d’agroecoloxia, de lluches sociales… En definitiva foron munches les xornaes y mui interesantes les temátiques que se fixeron.  

  Nun faltó la poesía, como tampoco nun faltó el graffiti, como nun lo diba faer el teatru o’l monólogu.  En munches d’eses xornaes entamaes dende La Reflexón o dende otros colectivos qu’agospiaben los sos actos nel CSOA, mui importante foi la música. Podría dicise que tan importante foi la música pa La ReFLEXón, como La ReFLEXón lo foi pa la música.

  Y ye qu’ha falta d’un llugar onde poder tocar ensin que te sangren por alquilar la sala, onde entre xente abondo, onde la barra seya autoxestioná, onde músicos y públicu siéntanse como en casa; nun quedó otru remediu que crear l’Escenariu de Flextricia. Hai que dicir qu’anque el llocal dexara muncho que desear en cuanto a condiciones acústiques pola mor de les sos característiques arquitectóniques, la xente pudo gociar de mui bonos conciertos y d’un buen espaciu.  

Ya digo, fueron munchos los festivales, anque a min prestábame más qu’enumeralos toos, nomar a los grupos que pasaron per Flextricia. De xuru que dexaré dalgún. Por fortuna tuvi la suerte de poder tocar delles veces na ReFLEXón, y tuvi la suerte de compartir fecha con munchos otros grupos amigos, una de les coses mas agradecía de tocar ye eso, faer amigos. Amigos tanto d’Asturies como de fuera, tanto estatales como del restu Europa, reconocíos o más mozos, pero toos ellos amigos como

Skama La Rede
Hector Braga
Falanoncaduca
La Tarrancha
Arrabuñazo
K-Nalón
Skontra
Desechos
Habeas Corpus
Another Year
The Gundown
Insert Koin
Urban Kids
Payback
State of Lies
Arma X
Sambre
Nocivos
Vinagre de sidra
K T Grapo
Hachazo
Hurto
Odio Visceral
13 Palabras
Toli Morilla
Talco
Gomeru
Kólico
Dakidarria
Galán
Vagrant
Kung Fu
Flying Padres
Doble –T
Jerfla Thülens
Hysteria
DCA
Estropajo
Bonestorm
N’Ochebre
Overland
Mameyes Blues Band
Falkatruada
Ugly Bastards
...etc. 

  Nun hai duldes de la importancia qu’esti centru tuvo pa la música, nun creo que nenguna alministración llocal nin autonómica asturiana haiga programao esos conciertos n’un añu, pero agora eso morrió. Por qué morrió???   

  Pues porque hai xente a la que nun-y interesa que la mocedá s’organice, que reflexone, que tenga conciencia propio, que nun dependa de l’alministración pa poder desarrollar un actividá qu’esta mesma nun-y va a ufrir.   La vieya fábrica de colchones llevaba 10 años abandoná, siendo abellugu de yonkis, de basoria, d’escombros, d’humedá, de too eso que nun presta ver nes cais pero pa tenelo ehí metío ta mui bien.

  La vieya fábrica de colchones yera un sitiu muertu, pero muertu nun estorbaba, naáas taba esperando al momentu especulativu adecuáu, como si toviere a barbechu. Agora sí, agora que ye La ReFLEXón y desborda actividá ye cuando molesta.   L’antigua nave d’una empresa que zarró con un ERE como los tan famosos qu’anguañu tan aplicandose en tantes y tantes empreses. Agora nun yera mas qu’un activu ociosu pa Construcciones Llorente, la empresa que paez ser la propietaria del edificiu y que solicitó al xulgáu el desagospiu del CSOA La ReFLEXón.

  Asina ye como la xente del centru social recibía la noticia del Xulgáu d’Instrucción Nº4 de Xixón que foi mandá a un solidariu, identificáu nuna de les incurxones feches pola Policía Nacional; la xueza afitaba les 12 hores del vienres 5 de Xunu, como plazu caberu para proceder al desgospiu “voluntariu o forzosu” del CSOA LA REFLEXÓN.  Esti yera’l final d’una FÁBRICA DE SUAÑOS, pero nun va ser el final de los suaños, non, ye simplemente una mudanza. Porque mentanto haiga espacios vacios, lo que sobren ye suaños con qu’enllenalos.  

Nun quedeis coles manes en bolsu. Actuái!!
Solidaridá col CSOA La ReFLEXón!
Un desagospiu, otra okupación!

Comments

N’Asturies hai tres figures d’esta triva. Una ye “Fiesta de Interés Turístico Internacional” nel que namás figura El Descensu Internacional del Seya, otra ye la de “Fiesta de Interés Turístico Nacional” onde hai unes cuantes ente les qu’atopamos L’Amurabela de Cuideiru, la Corderá del Prau L.laguezos, La Fiesta’l Pastor na Vega d’Enol… y dempues ta la tercera na que siguimos col dichosu términu de “regional” (debe faer referencia al noroeste peninsular digo yo, porque esto va trenta años que ye una Comunidá Autonoma uniprovincial, oficialmente falando). Osea “Fiestas de interés turístico regional”, onde podemos atopar dende la Fiesta les Carroces de Valdesoto, Les Fiestes de La Regalina en Cadaveu, el Descensu Folkloricu del Nalón… y anguañu el Derrame Rock.

La verdá nun se que ye lo que m’anima a escribir estes llletres, per un llau nun quiero furar nin espotricar a la escontra’l Derrame Rock, y per otru, sé que cualquier cosa que se diga sobre la politica cultural desti mal llograu pais perteneciente a la “región” del noroeste peninsular va cayer en sacu rotu. Pero bueno, nun va ser too tragar. Eso si, prometo nun faer referencia a lo mal que ta’l nuesu padrimoniu arquitectónicu, nin a como taba lo que tiren o dexen cayer, nin de cómo tan tantes y tantes coses a les que-yos urxe una figura de proteición. Tampoco nun voi falar de la fobia pa cola cultura y la llingua propies y tampoco nun voi falar de… ¡¿NUN DIXE QUE NUN DIVA FALAR D’ESO???!!!  Entós pa que me tiráis de la llingua??

Ta claro que’l Derrame Rock ye un productu turísticu en toa regla. Pero, bueno, un productu turísticu nun ye lo mesmo qu’un atractivu turísticu. Eso sedría como comparar el Seya (un atractivu turísticu) con una empresa de canoes (un productu, o mas bien una actividá, lo mesmo qu’el Derrame Rock). Lo que si ta claro ye qu’el festival atrae a xente d’Asturies y fuera d’Asturies. Xente que fai un gastu ya seya en gasolina, trasporte públicu, nos comercios llocales de Pravia…, de xuru que la infraestructura hostelera tamién nota la presencia del festival. Eso ye positivo, pero ye suficiente pa dai esi reconocimentu? Pamique non.

Ya lo digo, yo nun quito meritos al Derrame n’esi sentiu, que los tien, pero… ye una fiesta d’interes turísticu pa cualquiera??  Tamos falando d’una entidá privá, un empresa, un negociu, que desarrolla una actividá como meru negociu y na que pa poder participar hai que pagar una cantidá (ca un que valore si ye caro o non). Vamos que nun ye una iniciativa popular nin vecinal que l’alministración puea premiar con esti gallardón. Vamos que nun ye un festival que tea al alcance de tol mundu, vamos que ye mas un negociu qu’una acividá cultural (eso si, el conteníu cultural del Derrame nun se pué negar (música, charres, exposiciones…pero sigue siendo un negociu privau non popular).

Dempues podríemos analizar si la música o los músicos asturianos vense representaos n’esti certame, aparte de los propios grupos del sellu discográficu qu’entama'l festival y pocos mas. Dempues podríemos analizar si la llingua, nin siquiera la toponimia asturiana tan respetáos n’esti festival. Pero como ya dixe, el tema equí nun ye’l Derrame Rock, non el tema ye otru.

Por qué, entós… que premia la Conseyería de cultura con esti gallardón.?

Premia la poca o casi nula implicación pa cola cultura en xeneral y la música en particular. Ye un gallardón d’enrrollaos, “mirai, premiamos a los macarrarockeros qu’acampen tolos años en Pravia”. Si, con eso llaben el focicu, o inténtenlo.

Mentantu, nes nueses ciudaes los llocales qu’entamen conciertos vense afogáos poles multes y les restricciones.

Mentantu, les programaciones festives fieden a rancio y dan la espalda a la gran montonera de bandes y músicos qu’hai n’Asturies.

Mentantu, la conseyería nun pon lo posible por potenciar nin promocionar lo qu'hai na sociedá. Y eso, nun ye gastu. La cultura ye un drechu, y un deber por parte l’alministración el de puxar por éllo.

Esi ye l’exemplu de la RTPA, un ente públicu qu’esplicitamente tendría de punxar por eso, por ser un espeyu de toles manifestaciones culturales d’Asturies. Y como non, una de les mas potentes, una de les mas participatives, una de les que cuenta con mas exponentes… nun ye otro que la música. Esa música que de mano nun van pinchar na mayoría d’emisores priváes (a nun ser qu’haiga Peres per delantre), pero que tendría de tener la so canal de difusión na nuesa tele y na nuesa radio. Porque faer cultura nun ye solo un deber, non, tamien crea riqueza. Nun ye raro ver como sitios como Andalucía o Irlanda faen ingresos gracies a la múscia, y cuando falamos de música non solo falamos de músicos, si non de toa esa reciella formá por tecnicos de son, de lluces, xente que trabaya nel ambetu de lo audiovisual… Invertir na nuesa música ye invertir en nueves teunoloxies, o polo menos da-y dignidá salarial y de futuro a esa xente que maltrabaya n’esi campu.

Pero claro, n’Asturies, estos políticos con conciencia de “región” val-yos con tar contentos con esparder cuatro sudvenciones pa un par de conciertos, o con subvencionar un par de discos, o con da-y un galardón a un festival, anque seya una empresa. Pasa eso, porque creen qu’asina tapen boques, o ya ni eso, piensen que lo que fai ye la caraba! Que tan fechos unos cosmopolitas de la hostia. Porque ellos tamien fain lo mesmo, tragar subvenciones, marafundiar perres ensin importa-yos construyir futuru.

Ye hora de que la nuesa música tenga el so espaciu, nos nuestros llocales, nes nuestres cais, nos nuestros medios de comunicación, nos nuestros festivales (refiérome nos públicos). A lo meyor asina, igual pasa lo mesmo que notros sitios, y la nuesa música garra punxu, les nuestes bandes garren la estabilidá y la dignidá que-yos fai falta y son mas y mas los festivales privaos que se fixen en éllos de cara a faer la programación.

Comments

Pos eso, esti branu tornamos a los escenarios dempues del parón d'iviernu. esperemos venos pelos praos!!

Nun dexéis de correr la voz pa ver si mos contraten.

salÚ!

Comments

Lunes 02 de Febrero de 2009 14:12

A lo llargo de la hestoria, fueron munches les persones que intentaron faer un retratu colectivu del pueblu asturianu. Escritores, historiadores, sociólogos, pintores, fotógrafos... Ca un d'ellos consiguiolo na so medía.

Güei tenemos a l'alcance (non toos) una ferramienta mui potente: la rede, internet. Eso facilita la comunicación ente xente que diba ser difícil que llegaran a atopase d'otra forma, eso axiliza l'intercambiu d'información, eso fai que dependiendo de lo que se quiera trabayar... distintes persones puean sumase con una mesma inquietú y faer un buen trabayu.

Ye’l casu por exemplu del álbum entamáu pol antiuguu componente de Felpeyu, Isidro Suárez, baxo’l nome de “Músicos tradicionales asturianos” nel que podemos atopar una montonera de semeyes mui interesantes. Esta colección abarca más d'un sieglu d'imaxenes, nes que nun solo podemos ver qu'instrumentos tocaben nuna u otra dómina, o nuna u otra zona d'Asturies. Sinon tamién como yeren les fiestes, como yeren los nuestros antepasaos, la forma que teníen de rellacionase, de vivir el tiempu d'ociu y decansu, de disfrutar la música de... Nun hai duda que'l testimoniu pal mundu la cutura y la música asturiana ye d'un gran valor.

Y eso nun diba ser posible ensin la suma d'esfuerzos de xente que desinteresadamente va apurriendo les semeyes que tien arrequexaes en casa y que d'otra forma diben quedar escaecíes ente'l polvo. Ye imposible tresmitivos esto ensin nun dexar de convidavos a que paséis pel so espaciu y si teneis daqué de material interesante, pos andechar na xera http://www.flickr.com/photos/29327835@N08/sets/72157606575859717/

Pero esti exemplu namás me sirve d'entrá pa falavos de la sonrisa de l*s asturian*s.

Si, agora mesmo hai un sitiu onde podemos ver la sonrisa de mas d'ochomil asturin*s baxo otra iniciativa bien d'interesante, bien de necesaria. Nun ye otro que la campaña de YO DOI LA CARA POLA OFICIALIDÁ, que tien entamá el Conceyu Abiertu pola Oficialidá (CAO).

Que qué ye’l CAO? Pos ye una plataforma cívica que tien como únicu oxetivu algamar la oficialidá de la llingua asturiana y del gallego-asturianu nel Estatutu d’Autonomía d’Asturies. Y dientro de les actividaes que desarrollen ocurriose-yos la idea de que ca un de l*s asturian*s que comparten esi oxetivu dean la cara.

Pa tal efectu nun fai falta namás qu'una camara fotos y un cartel col lema YO DOI LA CARA POLA OFICIALIDÁ.

La campaña ta siendo un ésitu, non solo hai semeyes de xente d'equí, non. Son munches les semeyes llegaes dende otres partes del mundu que simpaticen cola causa y que n'estremaos idiomes dan la so cara pola nuestra llingua, asi nun ye raro ver cartelos n'euskera, n'italiano, arabe... ta siendo copiá incluso por alguna entidá privá, como ye’l casu de Bancaja y la Generalitat Valenciana.  

Esta riestra semeyes nun solo nos muestra una voluntá colectiva, la necesidá del reconocimentu d'un drechu básicu, tamién nos muestra cómo somos. Dientro de munchos años (si esti mundu entá esiste), van ser munchos los sociólogos que puedan tirar d'esta campaña pa ver como yeremos l*s asturian*s. Pa ver como yera la vida familiar, como yera la xente nel trabayu, nos conciertos, na nuechi, na playa, que xente diba a les manis, como se vivieron momentos hestóricos nel fútbol asturianu, como vivia la xente el chigre, la terraza, como yera la xente d'aldea, como yera la xente de ciudá, como yera la xente nel occidente, nel centru, nel oriente, na mariña, na montaña, como yeren les vacaciones y como munchos vivien na emigración.

Presta asomase de vez en cuando pel espaciu de YO DOI LA CARA POLA OFICIALIDÁ y ver a xente que conoces, a xente que te suena, a amigos, familiares, a xente que va años que nun ves, o incluso al fíu que nunca conociste d'un amigu o amiga que va años vive nel exiliu llaboral.

Hai xente conocío nel so ámbitu y xente un poco menos conocío. N'esti aspectu la campaña tien algo que nun me presta muncho. Entiendo qu'hai personalidaes que la xente tien n'apreciu y el fechu de velos sofitando la campaña, puea da-y un emburrión, un poco de notoriedá. Pero yo en parte nun lo veo asina. Mirando les semeyes veo escritores, dramaturgos, deportistes... y munchos apaecen como ún mas - lo cual veo normal - y otros apaecen resaltaos. Yo nun tengo na esconta'l mundu'l deporte, pero ¿Acasu desmerez más un músicu (que ye de lo que mas abunda nes fotos y munchos d'ellos de munchu pesu) qu'un deportista? Yo creo que non, lo mesmo que creo que tampoco merez menos una güelina d'un pueblu de Bual qu'un músicu d'Uviéu.

Pero eso ye un problema d'escala de valores. Y caro detrás de la campaña hai munches sensibilidaes y ca ún tira pal so gustu. Precisamente como hai munches sensibilidaes la cosa habría de ser lo mas horizontal posible. A mi tanto me val la pallabra d'un paisano que saca la semeya mientres ta a la herba, qu'un xugaor nun campu fútbol d'herba artificial.

Saliendo d'esta apreciación, teo que dicir que la campaña podría ser la envidia de los responsables de la mesmísima campaña electoral del Obama de marres, que mira si ye buena, que media humanidá piensa qu'acaba llegar el salvaor, y entovía nun movió un deu.

Yo tengo clara una cosa, nun se si conseguiremos l'oxetivu de la OFICIALIDA, lo que si sé (y el silenciu mediáticu nun va poder negar), ye que munch*s asturian*s tan dando la cara pola so llingua.

Otra cosa que tengo clara ye que pa ver la sonrisa colectiva d'Asturies hai qu'asomase a http://www.flickr.com/photos/doilacara, y espero que si dalgún día lo que hai qu'enseñar son los dientes, tamién tea esta xente detrás.

  
SalÚ! Y a dar la cara!!   

Enllaces relacionaos:
http://www.flickr.com/photos/doilacara
http://www.flickr.com/photos/29327835@N08/sets/72157606575859717/

Comments

Como viesteis nel pos anterior, tubimos nominaos a los premios de La Música qu'entama La Academia de Las Artes y Las Ciencias de La Música (entidá creá pola SGAE).

Ante ello, y en vista a la nuesa postura cola SGAE, pidimos-yos nun formar parte de tala nominación de la qu'enxamas teniemos qu'ahaber tao. La rempuesta foi positiva, pos ya nun formamos parte de los cuatro nominaos. Esperamos que si nominen a dalgún otru grupu o artista que se lo mereza (segruo qu'hasta mas que nosotros) siempre y cuando quiera participar d'esos premios.

La verdá que la conversación que tube cola trabayaora de la academia foi correcta ya incluso mostrose comprensiba en cuanto a la nuesa postura non hipocrita. Pero dixo qu'esto diba anlizalo el departamentu xuridicu. Esperemos que nun pase na, hehehe.

La verdá ye que menudu espolin s'armó! Na rede les coses cuerren muncho y la noticia fue a parar a una paxina de noticies. La noticia xeneró munchos comentarios unos de sofitu y otros pa dicimos que si lo que queriemos yera publicidá, que si nun mos conocien en casa... que si patatín que si patatón.

Y depues hubo un puntu que nun s'entero de la misa a la media y esbabayó n'aquella paxina y tamien n'esta, onde punso esto:

Nota*esto ta sacao de la otra web, pero pa ver lo que punso nesta podeis calcal onde los comentarios del post anterior.

Comments

La academia de la Música acaba faer publico esta selmana la rellación d’artistes y grupos nominaos a los premios d’esti añu. Los nominaos n’esta edición al meyor cantar n’asturianu son La Bandina, Esther Fonseca, el Colectivu de músicos pola Oficialidá y K-Nalón. Dende K-Nalón queremos faer publico qu’anque tamos agradecíos pola nominación nun queremos formar parte de tales premios.

Consideramos positivo qu’alguien haiga puesto el güeyu en nosotros, pero nun sería xusto pa nos, nin pal restu d’artistes que tamién podrien tar ente los finaistes.

La canción cola que tamos nominaos ye Dixebra, un cantar que forma parte del tributu-homenaxe que ventidos bandes asturianes fiximos al grupu Dixebra. Esti discu ta rexistrau na SGAE, pero K-Nalón nun lo ta, y esa ye la cuestión.

El nuestru grupu apuesta dende’l principiu pola llibre difusión de la música y la cultura, y n’esi sen toles nuestres creaciones tienen llicencia Creative Commons del tipu

Reconocimientu-Non comercial-Sin obres derivaes (3.0 España License)

Y ye ehí onde la nuesa filosofía choca colos planteamientos de la SGAE.

Respetamos a tolos grupos que formen parte de la SGAE, pero nosotros nun compartimos la politica d’esta entidá y tamos totalmente escontra’l famosu CANON que graba’l preciu de munchos productos electronicos. Polo que sería un actu hipocrita pola nuesa parte aceptar cualquier nominación fecha pola SGAE.

Ante ello, K-Nalón acaba mandar un comunicau a esta entidá pa que nun cuenten con K-Nalón y reconsideren a los otros grupos que nun entraron como finalistes. Polo que tenemos en conocimientu ye la primer vez que se plantea esta cuestión nos premios anuales de la Academia de la Música.

Comments

Ábrese con esti numberu una etapa nueva no que se refier al la publicacion “Fechu N'Asturies”, pero non solo ahí, espero qu'ábrase tamién nel panorama de la música que se fai anguañu n'Asturies. Un formatu nuevu , dixital, de llibre difusión, con enllaces, con fluidez y con acesu dende cualisquier parte del planeta “entre comines”. Y a eso ye a lo que tien que naguar la música, a ser difundia llibremente a cualisquier parte del planeta y como aficionau a poder gociar cola musica de cualisquier requexu'l mundu.

Nesti aspectu entren en xuegu munches coses en favor y otres a la escontra. A favor tenemos myspace, youtube, goear, la mula, les webs ... Y a la escontra tenemos a la SGAE (nun voi soltar muncho sobre élla porque de munch*s ye sabio l'afición que tienen a demandar a medios de comunicación alternativos como alasbarricadas.com y munches mas webs). Respeto y comprendo al/a artista o cread*r o bandes que se faen socios de la SGAE pola mor de defender los sos drechos como creadores, pero nun respeto nin tolero a lo que ye la SGAE en si, una autentica maquina de “recaudación” (por nun decir otra cosa que me conllebe denuncia) col amparu de l'alministración pública.

Per un llau tenemos el famosu canon, que medra'l preciu d'algunos productos hasta un 40%, dexando cifres millonaries nes arques d'una SGAE que van quedar en manes d'una reciella de creadores que namas representen al 5%, pero estos son los que mueven l'asuntu. Según los estudios de la propia SGAE los artistes namas cobren un promediu del 6% por cada CD vendiu, el restu los cuartos son pa les entidaes de xestión de drechos y discográfiques. Al final l'autor paga mas de lo que recibe. Ya lo dixe, yo nun tengo na escontra los grupos que tan na SGAE, pero voi da-yos argumentos pa nun tar, ye mas quiero dar argumentos p'afechar cola SGAE, y ye que la ministra de cultura ya falaba de cobrar un canon por cada linia ADSL.

Gasten perres en campañes pa llamanos lladrones por faer usu del nuestru drechu a copia, pol fechu de comprar un CD ya nos multen... ye como si te metiesen una multa y te quitasen un añu de carné col primer pagu'l coche, pola posibiladá de que cometas una ifración grabe. Ensin embargo nun escuerren a ninguna d'eses empreses que contraten en precario o esploten en xornaes interminables, o que nun paguen o... y entá peor, cuando eses empreses la mayor parte les veces tan subcontrateas a l'alministración publica. Éso nun ye delitu, non. Ye mas la propia SGAE ta cobrando millones d'Euros por música con copilefth supuestamnete llibre de canon a webs como myspce.com.

Esto ye namas una migina de lo que representa la SGAE, beneficios millonarios pa unos pocos y migayes pa los creadores. Pero.... qué otres alternatives tien la creadora? Pos tenemos les llicencies Copilefth y les llicencies Creative Comons (que pue ser de llibre o semi-llibre disfusión y usu). Por desgracia entá nun son mui conocies por parte de munch*s creadores, pero defienden la propiedá intelectual de la obra, cola diferencia de que puen ser llibremente difundies nos medios y na rede. Dependiendo del tipu llicencia, ya qu'hai delles, una segunda persona pue faer usu d'un cantar, pinchlau, interpretalu, versionialu, regrabalu ... siempre y cuando lo faiga baxo la mesma llicencia que l'autor/a.

Dalgunes d'estes llicencies, nun son solo de reconocimientu del autor, sinon qu'ha d'haber un intercambiu económicu ente la parsona que va faer usu d'una obra pa versoniala (por exemplu) y lautor. Cola diferencia de qu'aquí ye l'autor el que pon los sos criterios económicos y cobra, non la SGAE que cobra lo mesmo pa toos y reparte na. Ye por eso que dependiendo de la filosofia del/a autor/a, pue usar el tipu de llicencia Creative Commons ensin sentise desamparau/á. Estes nun son les uniques llicencies, namas algunes. Queda por parte la curiosidá vuestra la d'atopar mas, analizar y contrastar.

Queria faer esta reflexón, porque a un pais tan pequeñu como Asturies, nel que la industria musical ye casique inesistente, la profesionalización queda pa tres (ya nin cuatro) y el papel de les discografiques nun va mas allá del Payares... nun-y queda otra que l'autoxestión, o intentalo nuna d'eses pequeñes discografiques. Pos somos nós, los que de forma autoxestioná, lo mesmo qu'esti fancin, tenemos de tirar p'alantre de la nuestra música. Dificil ye fichar con una discografica que mos xuba a les llistes d'esitu, dificil ye que mos pinchen nes emisores de radio, dificil que te contraten cobrando en condiciones pa un conciertu...

Dificil va ser polo tanto cobrar drechos de la SGAE, asina que... vamos faer usu de les tecnoloxies que tenemos al alcanze y si nun hai manera que mos graben un discu, pos autoproducilu, y si nun mos lu ponen na radio... pos ya lu moveremos pela rede (qu'esa llega a mas sitios) y si algún díi sacamos perres, pos va ser de los conciertos, que los discos, pa los grupos nun dexen ganancia. Pero vamos tener que faelo nos, ca un lo suyo, y toos lo de toos, sumando fuercies y esperiencies, y reivindicando drechos colectivos como músicos, creadores y/o apasiones/os de la música.

SalÚ!

Enlaces d'interes.

http://es.wikipedia.org/wiki/M%C3%BAsica_copyleft

http://es.creativecommons.org/

http://www.todoscontraelcanon.es/index2.php?body=ppal

Comments

Prestabeme dexavos equi un cachin d'un de los prologos del llibru por que tien dos. Esti cachin ta sacau del prologu que fixo Carlos Fueyo, vieyu amigu y compañeru de Fer, y que va espresar muncho meyor que yo, lo que ye la obra:

«Tú escribi daqué personal, que Dolfu fairá otru entamu más políticu», pidióme Fer fai dellos meses. «Bono, val», dixe-y yo. Pasaba'l tiempu y yo nun escribía un res. «¿Pero qué ye eso de personal, Fer?», entrugué-y un día. Y Fer:«Cuenta cómo viviste tú la hestoria dende fuera, por exemplu; nun sé, escribi lo que quieras.» Y yo: «Val, val.» Y darréu entrugábame pa mín: «¿Val, val? ¿ Y por qué nun me pide a mín lo político y a Dolfu lo personal?»; ya intentaba razonalo: «Ná, ye lo lóxico, ye normal que seya a mín al que Fer pida lo personal, porque sabe que, magar de la nuesa amistá y de tolo vivío xuntos no personal y no político, yo nun comparto les sos idegues nacionaliegues.»

(...)Porque esti llibru engancha. Engancha muncho y ún entrúgase por qué. Nel mio casu, como nel de munches de vosotres, pudiera debese —al menos ésti foi'l primer motivu nel que pensé yo— a que conocemos al protagonista y a otres persones qu'apaecen (¡incluso podéis salir vosotres mesmes!), y a que vivimos de dalgún mou y dende otra perspeutiva la hestoria que se cuenta. Pudiera enganchar tamién porque fala d'una realidá, la cárcel, que mos interesa. O quiciaves la rempuesta pue tar nel fechu de que nun dexen de pasar coses y la tensión caltiénse dende'l aniciu hasta'l final. O quién sabe si sedrá'l morbu lo que moverá a otres persones a la llectura...

Toes eses rempuestes puen servir parcialmente, pero pa mín que la razón principal ye otra: el llibru engancha porque ye bonu. Esti prologuista dedicóse a lleer nun tiempu pasaú por circunstancies que nun vienen al casu una riestra llibros de tipu autobiográficu sobre temática carcelaria. Pues nun hai color, ésti los supera a toos con diferencia abismal. Y pue tenese la idega (xustificada en munchas ocasiones, la verdá) de que toos esos llibros, anque mui voluntariosos y con un altu valor testimonial, son bastante cutres y d'un nivel lliterariu mui probe.

Nun siempres ye asina; por exemplu, una obra de Jesús Zárate titulada precisamente La cárcel foi Premiu Planeta en 1972, y magar que yá se sabe qu'un premiu nun ye sinónimu d'una ayalga lliteraria, sí al menos lo ye d'una calidá respetable.

Digo más. Esti llibru trespasa los llímites de la so voz y la so temática. Esti llibru podría formar parte con tolos honores del elencu de relatos hiperrealistes que, en dómines pasaes y en delles lliteratures europees, conformaron una corriente estética enfotada na revisión del realismu. El llibru de non ficción qu'agora preséntanos Fernando González Rodríguez poco tien qu'envidiar, por exemplu, a la novela El Jarama de Rafael Sánchez Ferlosio. La técnica magnetofónica pola que pasara ésta a la hestoria de la lliteratura española —con perdón—, alcuentra en munchos pasaxes d'Amarraza la so máxima expresión posible. La fidelidá de Fer na expresión de los testimonios orales, la so meticulosidá na recoyía de datos, la so obsesión pol detalle, nun tienen comparanza.

¿Y qué dicir de los personaxes —que, amás, nesti casu son persones? Tán perfeutamente carauterizaos. La so descripción llógrase de mena nidia al traviés de lo que dicen. Les pallabres retraten al personax nel llibru lo mesmo qu'a la persona na vida. Aparte de Fer, protagonista indiscutible y al que toles que lu tratéis reconoceréis dafechu no que diz y tamién no que fai nel llibru, a mín el personax-persona que más m'impresiona ye
Geles, la so má, y tamién Saúl, el so pá. De los tiempos d'Insumisión sabemos del valor que deben tener, que tienen, los pás y más de les preses. Saúl y Geles amosaron esi valor naquellos años, amosáronlu agora una vegada más y de xuru que volverán facelo si-yos tocara de nueu. A Geles y a Saúl quisiera dedica-yos, n'humilde homenax, les pallabres d'esti entamu.

Alrodiu 'l conteníu del llibru, nun voi comentar ná. Per un llau, tórgame'l procuru que tengo de tener en non adelantar coses a les llectores. Per otru llau, prestaríame sobre too facer dalguna puntualización a ciertes valoraciones polítiques que fai Fer sol trabayu y l'actuación de Familiares y Amigos en dellos momentos (y tamién sobre dalguna postura que nun entiende de mín, en particular). Sicasí, camiento que nun ye l'espaciu nin
el momentu afayaízos. Muncho ya ta aclarao con Fer y, amás, yá se sabe que tengo qu'escaecer lo político nesti prólogu... Asina que, pa dicir daqué xeneral respeutu al conteníu, sólo vos adelantaré que lo que me paez más sobresaliente del rellatu de Fer ye la so sinceridá: sinceridá en tolos temes y con tol mundu, sinceridá demoledora a vegaes.

Y dexo pal final l'aspeutu más valoratible del llibru y pol que, según la mio opinión, ésti merecería salir de los ámbitos reducíos a los qu'en principiu ta destináu. «Nun cantes a la lluvia, poeta, fai llover», diz un anónimu aymará. Abúltame tamién a mín que la lliteratura debe, per enriba de too, emocionar, facer sentir. Pues Fer, ensin dulda, llógralo.

Sí, llectores, preparáivos a sentir. A sentir mieu, desamparu, ansiedá, frío, sueñu, fame y sede. Si padecéis de claustrofobia, recomiéndovos salir a lleer el llibru frente a la mar o en lo alto una montaña. Vais sentir l'abandonu, vais sentir la soledá. Vais pasalo mui mal y, a ratinos, bien.

Vais sentir lo que ye tar preso y vais sentir lo que ye la llibertá. La llibertá qu'aspero que nun-y vuelvan robar enxamás al mio collaciu Fer, un asturianu d'Asturies.

Pos con esti estractu del prologu de Car, dexovos pa que vaigais a pol llibru.

SalÚ!

El llibru podeis atopalu en: Centru Social Setaferia (Xixón).El Baruku (Xixón) Llibreira Paraxuga (Uviéu). La Casa Posafuelles (Uviéu). L'Arcu la Viella (Uviéu). Casa Maria (Uviéu). La Gueta (Candas). Si sabeis de dalgún sitiu mas, amestailu en comentarios.

Comments

Va unes selamanes escribí un blog cola noticia del xuiciu a Fer. Créo que nun voi cuntar muncho mas, ya ta too dicho, bueno y tanto, porque la mayor parte los medios de comunicación nun s'enteraron de la misa a la media. Por exemplu en munchos de los medios de comunicación asturianos y en llingua asturiana, resalten que'l xuiciu tubo de ser aplazau porque l'acusau nun pudo declarar n'asturianu y la siguiente vista va ser pa..., bueno pa que se yo, porque nun dan ni cola fecha esacta. Dígovosla yo, va ser el 12 febreru. De too esto ya falé nel blog “No tiene usted derecho a hablar la lengua que le de la gana” que podeis lléer dos blogs mas p'abaxo. Por eso nun quiero estendeme muncho, pero una de les coses que comentaba yera la mio sospecha de que naide nun se diba faer ecu de la bulneración de drechos llingüisticos sufria por Fer, nin de la so actitud ante tala bulneración que fixo que nun diera'l brazu a torcer y perdiera la posibilidá d'argumentar la so defensa en primera persona coles consecuencies que van traye-y na so condena. Pos desgraciámente acerté, Fer ye un apestau, nun-y interesa a naide, nun vaigan a metenos nel mesmu sacu non “ va de retro satanas”. Si, Fer ye un apestau, y naide nun va faer referencia a la los sos drechos llingüisticos, que son los mesmos que los de cualisquier asturian*, atópese na situación o coyuntura na que s'atope. Que yo tenga visto, namas Xuristes Pol Asturianu fexo daqué al respetu, namas, que yo sepa.

La cosa ye bien facil, yo nun soi de los de "Puxa Asturies Socialista", creo na soberania de los pueblos y les persones, pero soi llibertariu (o eso me diz la mio forma de ver les coses), pero ante too soi amigu de Fer y comparto munches coses y frentes de llucha con él y voi tar sofitandolu siempre que puea, pero anque nun fuera asi, como asturianu hai una cosa que mos xunta, la llingua, y ehí tampoco diba falta-y. Pero si se qu'hai muncha xente que comparte'l so proyectu politicu anque non la so estratexa y siguen escondiendose por mieu a que'l casu Fer chisque'l ya mal paráu mundu dixebriegu asturianu. Puedo entender en parte que nun quieran ser criminalizáos por una aición individual, (que ye lo que quier la delegación de gobiernu y tol sitema politicu español), pero nun se pue callar lo de los drechos llingüisticos de cualisquier persona y agora tocó-y a Fer. Pero la cosa nun queda ehí, son dellos los colectivos (y el so trabayu ye mui buenu) y medios de comunicación que defienden los drechos llingüísticos de l*s asturian*s que tampoco nun dixeron ná al respectu de l'actitú de la xueza de l'audiencia nazi-onal. Nun quiero da-y mas vueltes a lo mesmo, porque como ya dixe, veíase venir. Pero fierveme ver agresiones respondies y agresiones nun respondies y noticies noticiables y noticies nun noticiables.

Lo peor de too, ye que ca vez tamos nun mundu nel qu'en tolos aspectos de la vida, la xente opta por nun ver, nun oyir y callar. Y asi mos va, p'atras.

SalÚ!

Comments

Y defensa??? que defensa, nun ye'l gobienru d'Israel el que tien incumplies toles resoluciones y recomendaciones de la ONU pa col pueblu palestín???

Nun ye'l gobienru d'Israel el que llevantó una muria que tendria de ser la vergoña de toles sociedaes consideraes "democratiques"?? Nun ye esi gobiernu el que los tien enzarraos afogandose na so propia mierda??? eso ye defensa??? o sedrien los que tan dientro d'eses muries los que tendrien de defendese d 'un de los enemigos mas peligrosos del mundu???

Tracamuindien tamién diciendo que la xente que nos manifestamos estos dies na cai escontra del xenocidiu, de la masacre y en solidaridá con Palestina, en realida somos antixudios, y proterroristes de hamas. hehehe Yo toi col Pueblu Palestín, nun toi con Hamas, caro que non. Como tampoco soi tan tuntu de pensar que la población civil d'Israel tan toos a fabor d'esti esterminiu en Gaza. Non tolos israelis son xenocidas nin tolos palestinos son de Hamas, anque tiempu al tiempu, porque dempues de tantos años de represión y aniquilación sistematica nun ye d'estrañar que tol mundu se faiga de Brigáes de Izz ad-Din al-Qassam, brazu armau de Hamas.

Se qu'esta xente nun va dexar de soltar porqueria na blogsfera, pero lo que nun se pue, ye callar ante tanta tonteria.

Hipocresía stop!!!

Y cuando falo d'hipocresia, tamien falo del gobiernu español que va de güai y la recua d'actores chachi-rojos qu'aden al so rodiu, que salen a la cai a protestar, pero qu'a la fin sigue vendiendo armes a Israel y collaborando col so gobiernu.

Llibertá pa Palestina!

Palestina llibre de sionistes y llibre d'integristes !

Déxovos equí un parlelismu ente'l xenocidiu produciu polos nazis escontra los xudios y el de los sionistas escontra los palestinos. Nun pasaron tantos años como pa escaezelo.

Comments

“No tiene usted derecho a hablar la lengua que le de la gana”. Estes fueron le pallabres que con tol odiu y ascu del mundu salieron de la boca de la xueza Ángela Murillo na primera vista del xuiciu a Fer, tal día como un doce del ún del dosmilnueve.

 Pa poner n'antecedentes a la xente que nun tea al tantu o namas conoza la versión policial de los fechos... Dicivos que Fer (un militante independentista d'izquierdes y activista social) ta siendo xulgáu como presuntu culpable d'estragos terroristes en gráu de tentativa (subrayo esto, porque la prensa escaezlo). Si, la hestoria entama en Piloña, mas concretamente en L'Infiestu, anque nel momentu de la detención tolos medios de comunicación se fixeran eco del la información filtrá pola policía na que se-y acusaba hasta de la muerte de Chanquete. Pero resulta que “la trampa rescampla” o como se suel dicir... “al cocer mengua”, y ye que namas ta siendo procesáu polo que vos falo, anque de mano ya fuera acusáu y condenáu en tolos medios de comunicación d'haber cometió mas de venti atentaos (quien desfai esa mentira agora?). Como dicía, el casu entama en Piloña, o non??, entama en Cangues d'Onis??. Si, xustamente unos dies enantes taba autorizá pol delegáu de gobiernu una concentración ultradrechista, racista y xenófoba pol grupu Democracia Nacional. Ante esta convocatoria, féxose otra contraconvocatoria antifacista, la cual foi duramente reprimía con dellos mancaos y detenios. Anguañu 14 d'est*s antifacistes enfréntense a un macroprocesu politicu-xudicial ensin precedentes n'Asturies nos que la suma de los años de la petición fiscal llega a los 35 años de prisión. Si, claro que si, ye esi famosu 35 que veis pintau per tolos astiales d'Asturies. Pos si, pué que too empezará n'aquel día d'impotencia nel que les fuercies de seguridá enviaes pol delegáu de gobiernu reprimíen duramente a los antifacistes, ente ell*s a Fer.

 Con esti blog de güei nun quiero faer un percorriu pel casu, que ye mui llargu, nin si de lo que taba a un tris de faer Fer taba bien o non, que ca un y ca una saque les sos conclusiones, eso si, alloñandose de lo mediatizao, d'esa caudriacatura que mos quieren meter na cabeza. Y teniendo en cuenta que n'Asturies les protestes llaborales d'unos y otros sectores dexaron n'Asturies múltiples estragos d'ésos. Pa ún que nació en La Cuenca'l Nalón y participó como tantísima muncha otra xente, ye fácil recordar que nes movilizaciones mineres volcaronse camiones, formigoneres, baltiáronse faroles, cortáronse raíles del tren, carreteres ... quemáronse coches abandonaos pa faer barricaes... quemáronse neumáticos, conteneores... fixéronse sabotaxes... too ello col beneplácitu de la mayor parte la población y cola instigación d’unes cúpules sindicales que dempués d'usar esi arma de presión firmaríen y fadríen lo que quisieren nos convenios o nes reformes de turnu. Y lo mesmo los denominaos alcaldes mineros (ríome yo del terminu), estos tamién afalagaben a la mobilización y defendienla públicamente con toles consecuencies. Pero por raro que paeza, enxamas xulgaron a ningún líder sindical nin a ningún alcalde por éllo. Y lo mesmo pasaba cola xente de la siderurxa... el sector del metal y naval... Recuerdo tamién munchos titulares nos que se quería mezclar estes aciones de llucha col tema vascu, con aquello de que si veníen instructores de cale borroka y la de mi madre a enseña-yos a defender el pan a l*s trabayaores asturian*s, rieme yo d'aquello. Anque mas bien apetezme berrar, porque habia pininos qu'hasta lo creyíen.

 Pos eso, que yo lo que quería falar nun yera del casu Fer en sí, si non de la llingua, esa que tanto se fala pela rede, con milenta periódicos, foros, fotologs y blogs. Esa que tan digna ye de protexer y puxar por ella. Esa que tanto s'escribe, pero tan poco se fala. Esa que sufre agresiones tolos dies y nun falta quien llebante la so voz escontra quien la reprime. Esa que per primera vez diba ser escuchá na audiencia nacional de Madrid, porque a un cabezón, consecuente colo que piensa, ocurriose-y que teníen de pone-y un interprete. Si, enfotose y la mesma audiencia nacional almitiolo, dixo que si, que-y diben poner interprete. Y hasta allá que foi toa una señora académica de la nuesa llingua, pa faer d'interprete asturianu-castellano ente un acusáu y el tribunal que lu va condergar. Pero el casu nun foi asina, non. El casu ye que la xueza tenia priesa (eso vímoslo tol*s que tábemos ellí) y dixo qu'al nun ser una llingua oficial que ná da ná (entós pa que lo permitió nun principiu?). Dio-yos un tiempín a Fer y les sos abogáes pa charrar ente ellos y ver que diben faer, y asina siguio'l xuiciu. L'abogá de Fer espuso que'l so defendíu diba a contestar les preguntes que se-y fixeran en castellano, y que les contestaría na forma que mas cómoda-y fuera pa él. La xueza pidió que-y aclarase la cuestión, a lo que l'abogá repitió lo mesmo. La xueza ya nun aguanto más! Y soltó el so “No tiene usted derecho a hablar la lengua que le de la gana”, y con eso taba too dicho, y con eso ya ta too dicho y con eso va tar too dicho. La farsa tubo otru golpe encuantes qu'arranquen les entrugues cola de “ ratifica usted la declaración hecha ante la audiencia nacional el blablabla” y Fer arrespuende con un “Si ratifícola”. Y el fiscal que diz “¿qué?”, y Fer “si, ratifícola” y el fiscal cual guaje acusica “señoría, señoría, no entiendo lo que dice”. El restu preguntes Fer nun les contestó, la verdá ye que nun se si fixo bien o non, tobia lo toi cabilando, lo que ye seguro, ye que lu perxudicó. Pero de lo que nun hai duda, ye que Fer, aparte de cabezón, ye coherente consigo mesmu, coles consecuencies qu'ésto puea traye-y.

 Y agora ye onde yo entrugo... ú ta esa coherencia en mi??, si en mi?? munches veces escribo n'asturianu, bueno siempre, incluso nel politécnicu dependiendo l'asignatura contestaba los esámenes n'asturianu, pero non siempre la falo, o mas bien ca vez falo un amestáu mas finu. Pero tamién entrugo, onde ta la coherencia de toa esa xente qu'escribe blogs, fotologs, prensa dixital, llibros, discos y tolo que se publica na nuesa llingua??? Si, dicíimelo, ú ta???!!! Yo casique nun la veo. Tampoco naide nun va faer mención de les pallabres de la señora xueza?? naide nun va faer mención de l'actitú de Fer ante la vulneración de so drechu llinguisticu??? O mas bien ye qu'a naide nun-y interesa enporcase con un apestáu, un acusáu de “terrorismu”. El tiempu va dicilo, porque cuando les persones nun respuenden, ye'l tiempu'l que respuende por élles. Yo voi responder por mi!

Tenemos un problema de llingua y llinguater*s. Al fin y al cabu la hipocresía puémos. Ye hora fae-y frente!

Comments

  Durante dos años y de forma esporádica apaeció per enriba les barres de munchos chigres un fancín col nome de Fechu n'Asturies. Una publicación que contenia información sobre grupos entrevistes, actualidá social... Una publicación fecha dende xente mui mozo, pero con munches ganes de tirar pela música asturiana.

Depues d'un tiempu ensin asoleyar, esta publicación entama l'añu nun nuevu formatu; el dixital. Si, acaba de ñacer fnas.net, lo que quier ser una ventanina pa escucar el panorama musical fechu n'asturies.

La idea de fanst ye la de sacar una publicación mensual a la rede, pero tamién con información fresco y diario. Esplicome; per un llau, van apaecer noticies, conciertos ... ,osea coses que requieren una información inmediata. Y per otru llau, tolos meses fnast.net va contar con una nueva edición onde se podran ver,una nueva editorial, nueves reseñes de discos, reportaxes, articulos d'opinión, entrevistes... Tamién cuenta con una tienda virtual de discos y camisetes, una zona de llibre descarga de música (apurries polos propios músicos), l'apartau de fnast.tv; onde se puen ver vidios d'artistes asturian*s... Una cosa mui interesante ye l'apartau d'entrevistes, que n'esti casu pasa del formatu clasicu al audivisual, pudiendo ver les entrevistes en formatu vidio, colo qu'eso supon de frescura y de rempuestes non prefabricaes por parte l*s entrevista*s.

Detras de too ésto, hai xente mui mozo, con poca esperiencia pero con munches ganes. L'alloriau que tiró pel fancin nel so tiempu y pela web n'ésti, nun ye otru que Fran, o Xicu Ariza, militante de milenta movimientos sociales y musicales, miembru del ya desapaeciu grupu Asperos y guitarrista y cofundaor del grupu Falanocaduca. Echando un gabitu tamos mas xente, pero esto ye un proyectu nuevu, acaba arrancar, ta en fase esperimentu y esperemos qu'ésto medre muncho mas entá. Un avisu pa navegantes. Nun espereis en fnast.net una visión inocente del mundu, nin el meru afalagu a grupos y l'ambiente musical, non. Fnast.net naz con una clara consciencia de difundir y potenciar la nuesa múisca dende un puntu de vista críticu pa col sitema, ensin escaecer n'algunos de los sos apartaos temes d'actualidá como puen ser los problemes sociales d'Asturies y el planeta.

Diva ponevos equí la mio columna d'opinión que fixe pa fnast.net, pero ... si quereis lleélo... nun va se meyor que paseis pela web y restolesi per ella un poco???

http://fnast.net

SalÚ! ... y buen añu!!

Comments

Algo ta pasando en Grecia.

Contra la crisis, aición.

Escontra la precariedá llaboral, aición.

Escontra la represión, reaición.

Escontra la reaición, asesinatu.

Escontra l'asesinatu mas aición.

Escontra los problemes, búsqueda de soluciones.

Escontra l'escaezu del día a día, consciencia.

Cola consciencia, mas aición.

Y represión muncha represión, pero ante too éllo, toma de postures.

Algo ta pasando nel Reinu d'España.

Escontra la crisis, pasividá.

Escontra la precariedá llaboral, silenciu y complicidá sindical.

Escontra la represión, apoyu y criminalización.

Escontra la criminalización, silenciu y complicidá.

Escontra la reaición, mas represión ya insolidaridá.

Escontra los problemes, incapacidá de reaición, inmovilismu, falta de consciencia.

Escontra l'escaezu del día a día, conformismu rutinariu.

Con esi conformismu rutinaru... mas recortes de drechos, mas precariedá llaboral, mas paro, mas crisis, mas represión, mas probes, mas hipocresía...

Fai unos cuantos años qu'Asturies ta en crisis, equí ya llegó va tiempu. Na cabera llucha colectiva de la minería n'Hunosa, les cuenques salieron a la cai, movilizáronse. Hubo represión, barricaes, destrozos, feríos, un muertu, díes y díes de llucha na cai. Ante too eso, los alcaldes mineros y les cúpules sindicales apoyaben y alentaben públicamente eses aiciones. Al fin y al cau yera la so moneda de cambiu pa conseguir... perres, poltrones, fondos pa marafundiar... Yera mítica la frase amenazante de los lideres sindicaleros de “si nun hai acuerdu... va haber un otoñu caliente”, y asina casi tolos años. Pero la xente que tábemos na cai, nun tábemos pola prexubilación de naide, tábemos pol nuestru futuru, pol futuru d'Asturies, pola búsqueda de soluciones, pero soluciones dende abaxo. Recuerdo como nun conceyu nel que tábemos mozos d'estremaos sectores y organizaciones se propunso estender la llucha y la concienciación del problema xuvenil nel tiempu, muncho mas allá del xueves nel que los sindicatos diben firmar en Madrí los sos chanchuyos. N'esa asamblea taben dos altos sindicaleros de los dos sindicatos mayoritarios na minería, si, valla que si taben, ellos mesmos fueron los encargaos de sabotianos la llucha que pretendíemos estender. Porque na cai nun se taba solo pola minería, si non polo que diba pasar y ta pasando (la emigración masiva de la mocedá, la precariedá llaboral, la perdida de trabayos, la especulación con fondos públicos, la muerte de les cuenques, la muerte de la conciencia colectiva, la perdida de drechos...)

Ya pasó munchu tiempu d'aquello, anque paeza que fue ayer. Agora, nun hai nin barricaes, nin cortes de carretera que duraben semanes (alcuerdome del 86, per delantre mi casa nun pasaron coches en meses, namas una paliaora acompañando a les grilleres tolos díes) Pos entá asina, nun creo recordar ningún procesamintu gordu en toos esos años, nin a la xente que lluchábemos nin a los lideres sindicales nin a los alcaldes que cizañaben unos y aplaudíen otros. Non, ningún fue deteníu, entá aun siendo delitu. Agora algún ye hasta conseyeru de trabayu. Pero ensin embargu, güei, detienen a sindicalistes en montaxes ridículos, porque estorben de verdá, piden 35 años de cárcel en total a 14 moz*s pol fechu de repudiar una actu facista, apliquen lleis antiterroristes a quien nun se quier someter, detienen en toles ciudaes del estau a moz*s que simplemente muestren el so rechazu a un sistema y un estau que los conderga a ser hipoteques andantes ensin capacidá de razociniu, encarcelen a la xente pol simple fechu de solidarizase colos griegos o los palestinos o ..., u oponese a cualquier atentáu escontra'l mediu ambiente.

Ta claro, nunca se fexo tan poco escontra'l gobiernu y nunca se reprimió tanto.

Los tiempos tan cambiando. Vamos cambiar nosotr*s los tiempos.

Comments

Agora que lleguen estes feches comerciales, ye momentu de faer recomendaciones, promos y demas. La primera ye... que nun gasteis mas de la cuenta nin de lo que fai falta y la segunda ye que si vai faer un regalu... (yo soi negau pa faelos) pos que meyor que dexar los beneficios paquien nun se va lucrar, sinon que va faer buen usu d'ellos.

Voi recomendavos dos discos, nos cuales meti yo la mano col diseñu, y los dos autoxestionaos y p'autoxestionase:

- El primeru ye un directu. Mas concretamente el qu'el grupu catalán Insershow dio en Xixón nos actos qu'l FUSOA (Fondo Xunitariu de Solidaridá Obrera d'Asturies) entamó pa cellebrar la xorná del 1º Mayu de 2007. Esti discu asoleyose pa pañar fondos pa les causes xustes nes que'l FUSOA collabora. Pa los que nun lo sepan, Insershow ye un grupu de versiones, o mas bien Di-versiones revolucionaries como dicen ellos. Normalmente unos dies enantes de llegar a una ciudá a tocar, apurren pelos chigres del ambiente musical, un llistau de canciones d'estremaos grupos de les que van tocar les 19 mas votaes pola xente. Con una cosa asina... tienen siempre l'esitu asegurau con un conciertu a la carta. Un conciertu nel qu'el publicu ye tamién protagonista, pos hai un micrófonu abiertu pa que toa persona que quiera xubir a collaborar, cante. N'esti discu podemos atopar di-versiones de La Polla, Kortatu, Cicatriz, Motorhead, Extremoduro, Dixebra... y como non les collaboraciones del publicu.

-El segundu discu del que voi falavos ye Ensin Cadenes un compilatoriu de grupos asturianos. n'esti casu foi l'asociación escontra la violencia de xéneru Xorrecer. Nél podemos atopar 18 bandes asturianes cantando n'asturianu y en castellanu escontra la violencia de xeneru, el machismu...

Los dos discos cuesten 5 euros y son faciles d'atopar nel Centru Social Sestaferia, onde podreis atopar tamien mas discos, llibros camisetes...

El C.S. Sestaferia ta situau  en Xixón na c/ Numa Guilhou 14, baxu (abren de llunes a xueves, de 17 a 21, y el vienres de 18 a 22). Na pequeña distribiudora que tienen montá podis atopar mucha música, a un buen preciu cola diferencia de que les gancies nunvan pa la FNAC, asina que si vas comprar lultimu discu de Felpeyu, de Blima, d'Skanda de... ya sabes qu'çesti ye unbuen sitiu. Per otru llau, ye un sitiu onde pues ver ciclos de cine, proyeiciones, charres, onde se puen aconceyar estramos colectivos...

Eso demuestra qu'hai munches formes de faer coses y esta ye una mui buena manera.

Dexovos unos enllaces:

Insershow http://www.moviments.net/insershow/

Xorrecer http://galeon.com/xorrecer/ast/queye.html

Sestaferia http://sestaferiacs.blogspot.com/

Comments

Fai mui poco andaba dando los sos primeros conciertos un grupu mozu, mui mozu en cuanto a xente y a tiempu. Nun tenien nin media hora repertoriu y ya taben metiendo ruiu perhí. Eso ye ganes, y ye lo más importante. Nun tardó tampoco la xente en falar d'ellos, que si yeren pesimos, que si yeren peores... que si yeren un copia... Cuando un grupu arranca, ta verde, caro que si, ye normal. Lo malo ye cuando ta verde dempues del tiempu, pero Falanoncaduca nun añin como quien diz... atoparon lo qu'otros nunca nun lo van faer. Atopáronse a ellos mesmos atoparon el so soniu. Si ya lo sé, nun dista munchu del d'otros, al fin y al cabu muevense n'estilos determinaos, pero eso si, con un gustu y una forma d'arreglar que namas Falanoncaduca pué faelo. Ya puen tar tocando un tema que va unos meses nun dabes un duru por él que nun te vas sintir indiferente, pos la calidá que garro ca tema... ye brutal. O eso... o yo, la cabera vez que los vi, taba mui fumau.

Va unes semanes que-yos acabé'l diseñu de lo que ye la su maketa, y que pronto va tar na cai, y fíxelu ensin sintila. Cagunmamanto... y nun me convidaron a meter una xiblatina ninsiquiera. Pos si, nun hai nin dos meses que toquemos xuntos no que pué ser l'ultimu conciertu de La Tarrancha nel CSOA La Reflexón de Xixón, pero abultame que d'aquella p'acó... Toi convenciu qu'hai un enantes y un dempues del conciertu d'esti sabado en Ribeseya, y espero que seya pa bien, pos ye mui jodio estabilizar un grupu colos problemes llaborales o d'estudiu y demas que se dan (ta too enlleno de lleendes urbanes) (anque seyamos de pueblu). Y espero que la maketa tea a l'altura del soniu que tien el grupu anguañu, si nun la tien... nun faigais casu! dir a los conciertos!.

Hasta'l momentu Falanoncaduca tien asoleyau un single col nome de "Medrana n'Asturies", que poco va tener que ver col soniu mas trabayau de la maketa que ta a puntu sacar col nome de"Llingua afilada". El so estilu ye la suma de dellos estilos con clares influencies d'ska, punk, H.C. soul... Autodefinen el so soniu como "Megigayu Son", algo paecio a lo que fixeran los sos collacios de La Tarrancha que definien el so estilu como "Mecigayu-Ska".

Pa la xente que nun sepia quien son estos bichos... dexobos un ramal pa que vos perdais per él golifiando.

http://www.myspace.com/falanoncaduca

Comments

Uviéu. Interior. Detardi. “llocalización: una vinoteca uvieína.

yo_Ponme una pinta vino d'eso que tienes ahí, y pa vosotres que queréis...?

“chigreru”_ jejeje, una pinta de vino? Como te voi a poner una pinta de vino???, además no tengo vasos grandes, jejeje pero... en tal caso de cerveza además aquí nun servimos... blablabla...

Nun ye la primer vez que me pasa esto, non, pasome en más d'un chigre d'Uviéu, bueno, chigre non! Vinoteques!!! A estes altures de la vida, la xente ya nun sabe lo que ye una pinta vino! Agora mesmo l'aculturización o l'asimilación de otres formes de consumu tapen o arrequexen les mas populares hasta anguañu. Bueno, non, mas bien, eso pasa ente ciertos sectores de la xente nuevo y en determinaos sitios, como Uviéu.

Ostenencia! Aú voi! Igual toi soltando la parrafá y algún/a que tea lleendo esto nun sabe lo que ye una pinta??? Pos según ciertu sector de la hostelería, una pinta ye un vasu de cerveza de mas o menos mediu llitru. Pa mi y pa los peisanos que paren nos chigres que nun disten nin 20 metros de los otros, una pinta ye un vasu vino, un vasu al estilo del de sidra, pero mas recortau, o mesmamente un vasu sidra, con dos deos de vino. Eso ye lo que ye pa mi y pa la xente consumidora, pero agora... cola apaición de les “pijotabiernes” de diseñu, o lo que ye lo mesmo; les irish y les inglish tabern (que yo tanto frecuenté y de xemes en cuandu sigo entrando), y cola puesta en moda de la Guinnes... pos ya nun ye asina. Si pides una pinta nuna cervecería d'estes, van ponete una de cerveza (negro o roxo o...), y veolo normal, pa eso tas nuna cervecería, pero tando nuna vinoteca “postmoderna que te cagues” y a veces non tan postmoderna, que nun sepan ponete una pinta... home pordios! Y que pa enriba rianse de ti a la cara...

Como datu interesnate dicir, que la pinta ye una unidá de media qu'usábase per casi toa Europa y que na península dependiendo del país, solía andar ente los 800 ml y  el llitru. Los ingles irlandeses, galeses... siguen usando esa medía que pa ellos ronda'l mediu llitru, pero equí va años qu'una pinta de vino ye eso, una pinta.

Pos eso! A les coses pol so nome, la pinta pa mi ye la de vino, con casera blanco o de color (podría dicivos qu'hasta se pué clasificar en dellos colores, hehehe).

Otru día voi falar de la sidra que ye lo mío, porque ehí... buff, ehí si qu'hai la de mi madre.

Comments

Arranco l'esperimentu esti de los blogs o blogues o momo se llame. Nun se si duraré muncho, pero espero soltar llastre y aportar lo que puea a esti mundu de la rede que tanto refalfia ya!
Nun voi guardar una llinia editorial, namás, unes veces charraré de coses que me presten... que me paecen interesantes o coses que me fieden y me toquen les narices.
Espero que la xente que pase per equi saque daqué en claro, pa bien y pa mal. Nun ye la mi intención tar a bien con tol mundu, pa eso nun fadria un blog.

SalÚ!

Comments